Politique

Rabialahy Jean Paul (AREMA) Tsy hisy fiarahana amin�ny Escopol amin�ny fifidianana

Politique
Talata 02 Aogositra 2011

Anisan’ny mpikambana ao anivon’ny Escopol ny AREMA tarihan’i Vaovao Benjamin ary misy mpikambana toa an’Atoa Rabialahy Jean Paul. Nambaran’ity farany, izay tafaresaka fohy tamin’ny Tia Tanindrazana, fa tsy hisy mihitsy ny hoe fiarahana amin’ny Escopol amin’ny fiatrehana ny fifidianana ho avy satria sehatra natao hifampidinihana sy hiadian-kevitra mikasika ny raharaham-pirenana fotsiny izy io, ka tsy ho difotra ao ny AREMA fa hanana ny kandidà azy manokana manerana ny Nosy. Mikasika ny vinavina fanambarana ny AREMA ho iray indray dia nanambara Atoa Rabialahy Jean Paul fa mitana ny tenin’ny filoha mpanorina ny antoko, ny Amiraly Didier Ratsiraka, tany Frantsa ry zareo ka miandry fatratra ny fanapahan-kevitr’ity farany mikasika ity antoko lehibe iray ity.

Manohy