Politique

Propagandy � Fitsapan-kevi-bahoaka Ny sefo Fokontany no hiantoka ny �panneaux�

Politique
Zoma 01 Oktobra 2010

Namory ireo sefo fokontany tao Antsirabe I ny lehiben�ny distrika omaly. Ny fanomanana ny fifidianana ho avy, indrindra ny fiatrehana ny fitsapan-kevi-bahoaka, no lahadinika tamin�izany.

Nibaradaka ny mpampivory fa dia vola iray tapitrisa ariary ihany no tetibola hanomanana io fifidianana ho avy io. Tsy misy vola, na tsy nivaky mivantana izany aza ny avy amin’ny distrika. Manaporofo izany ny fiangavian’ity farany ireto sefo fokontany ireto, mba samy hividy hazo fisaka handrafetana ny takela-kazo fametahana afisy rehefa fotoanan’ny fampielezan-kevitra. Ahoana no hahatanterahan’izay, ny tambinkarama efa-bolan’ireto sefo fokontany ireto aza tsy naloan’ny FAT ? Fa vaky ambatolampy nandritra io fivoriana io koa ny tsy fahalavorarian’ny lisi-pifidianana. Tsy tratra ny fanavaozana ka dia izay teo ihany no hampiasaina amin’io fitsapan-kevi-bahoaka. Io lisi-pifidianana io anefa no nanakianan’ireto mpitondra ankehitriny ireto ny fitondrana teo aloha, ary nanonganana azy mihitsy. Misisika hanao fifidianana ihany anefa ny FAT, ary rahampitso 02 oktobra no hisokatra ny propagandy. Fa ny nanaitra tamin’ity famoriana sefo fokontany tao Antsirabe omaly ity dia ny lehiben’ny distrika, izay fantatra fa efa nafindra toerana no mbola nitarika, sa tsy mety nanao famindram-pahefana ? Samy mitana ny sezany io e !

Jean D.