Politique

Propagandin�ny ENY Miala any ny fitapitaka samihafa

Politique
Alarobia 27 Oktobra 2010

Rehefa tsy rototra sy tsy miraika amin’ilay fifidianana amboletra karakarain’ny Fahefana avon’ny tetezamita, toy ny handrosoany lalàmpanorenana hitsapana ny hevi-bahoaka, amin’ny 17 novambra ho avy io, dia mandeha indray ny paipaika miharo fitapitaka samihafa. Araka ny fampitam-baovao nataona sefo Fokontany iray ao Antsirabe, renivohitry ny Faritra Vakinankaratra, ao dia aelin’ny mpampandany ny ENY any amin’ny Fokontany any indray ny tsaho milaza fa raha te hiala amin’ny zava-misy amin’izao fotoana izao dia fidio ny ENY. Ny hafa indray koa manampy trotraka fa raha tiana hiala eo ireo mpitondra mampahory vahoaka ireo dia fidio ny ENY. Tsy atao mahagaga koa raha mandeha ny feo toy izany satria izay koa no mitory fa na izy mampandany ny ENY aza izany tsy mahalala akory ny antony anaovana izany, toy ny rehetra tsy mahalala izay antony niantsoana vahoaka haneho safidy amin’ny 17 novambra. Sanganehana ny marivo salosana manoloana ny tsaho aely toy izany. Zara raha mahavoa-drindrina ny mpanao propagandy any an-toerana, noho ny henatra sy ny tahotra ny vavam-bahoaka, dia manely tsaho io indray no atao paikady.

Jean D.