Politique

Pro-Ravalomanana Mitsangana hampahomby ny tolona

Politique
Alakamisy 10 Janoary 2013

�Hatreto aloha dia tsy mbola tafaverina an-tanindrazana i Dada. Mila ampiakarina 5�me ny vitesse. Menatra ny filoha Ravalomanana aho satria ny isanjato kely nangatahiny tamiko, tamintsika tsy vitantsika. Ela loatra e !�, hoy i Fanomeza tetsy amin�ny Kianjan�ny Magro omaly.

Tsy resaka politika izy ity, hoy izy fa mila miseho ary mijoro avokoa izay tian-dRavalomanana rehetra, antsoiny hoe : “Pro-Ravalomanana”. Tsy ny ao amin’ny Magro irery manko no mila ny filoha teo aloha fa mielipatrana manerana ny Nosy izy ireo. “Hotairintsika izy ity ary ataontsika amin’ilay manara-penitra, amin’ilay mampahomby azy”, hoy ihany i Fanomeza. Na tiana na tsy tiana, tsy maintsy atambatra ny hery satria rehefa tsy mbola tafaverina eto prezidà Ravalomanana dia tsy mbola mahavita azy isika, hoy izy nanamafy.

Nohamafisiny ihany koa fa “tsy Ravalomanana no hametraka ny tenany eo fa isika vahoaka no hamerina azy ho filoham-pirenena”, hoy i Fanomeza. Tetsy andanin’izany dia notakian’i Manoela Ralaimampisainarinony ny hanovana na hanamboarana ny lisitr’ireo mpikambana ao amin’ny Kongresy sy ny Filankevitra ambonin’ny tetezamita avy amin’ny ankolafy Ravalomanana. “Rehefa Rajoelina no miantso anareo dia tonga ianareo fa rehefa ety an-kianja tsy hita ianareo”, hoy izy. Tsy Rajoelina no hitolomana, hoy i Manoela fa Ravalomanana ka rehefa tsy hanao dia mialà.

Soa