Politique

Printsy Elakovelo Misoloky izay milaza fa Arema hiditra Parlemanta

Politique
Alatsinainy 11 Oktobra 2010

Hiroso amin’ny fampiharana ny didy hitsivolana laharana 2010 – 010 tamin’ny 07 Oktobra 2010 manangana ny Parlemantan’ny tetezamita Misoloky ny FAT. Ity farany rahateo koa moa no nandidy sy nanapaka samirery izany. Narahina fitsinjarana seza io araka ny tapaka nandritra ny filankevitry ny ministra ny zoma 08 oktobra lasa teo. Manana toerana roa ao amin’ny Filankevitra ambonin’ny tetezamita (CST) ny antoko Arema ary fito ao amin’ny Kaongresin’ny tetezamita. Manoloana izany dia nilaza ny Printsy Elakovelo, mpikatroka Arema, fa “mpisoloky izay olona milaza fa Arema nefa tsy notendren’ny SG Radidy ka miditra ao anaty Kaongresy sy CST”. Nanamarika koa ny Printsy Elakovelo raha nikabary tao amin’ny Magro Behoririka ny sabotsy lasa teo, fa tsy mbola nisy filoham-pirenena voaheloka mandra-pahafaty teto Madagasikara. Ny FAT no nampanao an’izany, hoy izy. Ny Ankolafy Ratsiraka dia milaza fa tsy maintsy miverina an-tanindrazana ny filoha roalahy : Marc Ravalomanana sy Didier Ratsiraka.

Jean D.