Politique

Pierrot Rajaonarivelo tao Toamasina SG-n�ny antoko Arema ny maraina, filohan�ny MDM ny hariva

Politique
Talata 18 Mey 2010

Tao Toamasina i Pierrot Rajaonarivelo ny faran�ny herinandro teo. Nandritra izany no niatrehany ny fifampiarahabana noho ny taona taona vaovao teo amin�ny kamarady Arema Toamasina. Fihaonana natao tao amin�ny sekoly Arema Ankirihiry.

Nohararaotiny koa taorin’izay ny nanazava ny fandehan’ny raharaha politika tamin’ny mpanao gazety nantsoina manokana. “Hatramin’izao dia mbola izaho Pierrot Rajaonarivelo no SG na Sekretera jeneralin’ny antoko arema eto Madagasikara. Tsy misy afaka manala ahy SG ny antoko eo raha tsy amin’ny alalan’ny kaongresin’ny antoko ihany… Raha ny tantaran’ny antoko dia ny volana novambra 1997 no nisy voalohany sady farany izany kaongresy izany. Efa nisy ny taratasy nalefa tany amin’ny filoha mpanorina ny antoko amiraly Ratsiraka taorian’ny fihaonambe natao ny taona lasa… Mandra-pisian’ny valin’ny taratasy natao izany dia mbola izaho aloha no mpitarika ny antoko eto Madagasikara”, hoy i Pierrot raha nitafa tamin’ireo kamarady Arema notarihin’i Lahady Samuel. Tsy tazana kosa ny fianakaviana akaiky ny filoha mpanorina ny antoko Arema na mbola ao Toamasina avokoa ny ankamaroan’izy rehetra hatramin’izao.

Raha SG-n’ny Arema i Pierrot Rajaonarivelo ny maraina dia kasikety maha filohan’ny MDM (Mientana ho an’ny Demokrasia eto Madagasikara) azy kosa no netiny ny hariva, izy izay sady nankasitraka ny fanapahan-kevitry Andry Rajoelina tsy hirotsaka hofidina filoham-pirenena. Niova anefa ny teniny tao Toamasina ny alahady teo, ka nanambarany fa “amin’ny MDM dia tsy iny sori-dalana nofaritan’ny filohan’ny FAT iny no tsara hivoahana amin’ny krizy fa ny fitsapan-kevi-bahoaka sy ny fanaovana ny fifidianana ny filoham-pirenena ihany no vahaolana tsara indrindra no tsy mandany vola be loatra ary ahazoana fankatoavana iraisam-pirenena haingana”.

Sady mitety faritra mampahafantatra ny momba ny MDM i Pierrot Rajaonarivelo, no efa manomana kianja politika hilalaovana ihany koa atsy ho atsy. Ny ankamaroan’ny fety aman-dalonana karakarain’ireo fikambanana etsy sy eroa ao Toamasina isaky ny faran’ny herinandro mantsy izao dia ahitana azy avokoa, etsy ankilan’izay ny fitetezana distrika sy kaominina.

Nangonin’i Jean D.