Politique

Pierrot Rajaonarivelo tao Ambatondrazaka Antsangano ny governemanta iraisan�ny rehetra !

Politique
Talata 27 Jolay 2010

Nitohy tao Alaotra ny fitetezam-paritra ataon’ny MDM (Mientana ho an’ny Demokrasia eto Madagasikara) tarihin’i Pierrot Rajaonarivelo. Namory olona tao amin’ny Stand Central Ambatondrazaka izy ny sabotsy 24 jolay teo, nanazavany ny antom-pisian’ny vovonana politika MDM izay tarihiny sy nitondrany ny fomba fijejriny ny raharaham-pirenena amin’ny ankapobeny ary koa ny nandrosoany vahaolana hivoahana amin’izao krizy lavareny izao. Tolo-kevitry ny MDM àry ny hananganana governemanta iraisana, andraisan’ny rehetra anjara. Irosoana ny fihaonambem-pirenena hamolavola sy handrafitra ny lalampanorenana dia irosoana ny fitsapankevi-bahoaka andaniana ny lalampanorenan’ny Repoblika faha-4 izay arahin’ny fifidianana filoham-pirenena ary io no mamarana ny tetezamita. Saika ireo kamarady Arema efa zokinjokiny no tazana tamin’ity fihaonana tao amin’ny Stand Central Ambatondrazaka ity, fihaonana izay tsy dia nahavory olona loatra tamin’ny ankapobeny. Tety ivelan’ny toerana nivoriana aza dia tao no nilaza fa i «Dada ihany ny anay».

Nangonin’i Jean D.