Politique

Pety Rakotoniaina Tonga masiaka

Politique
Zoma 26 Aogositra 2016

Nifoha tamin�ny torimasony i Pety Rakotoniaina, filohan�ny antoko Tambatra sady mpitarika ny APRN (Alliance pour la Paix de la Refondation de la Nation).

Nambarany fa tsy afaka ny hangina intsony izy ireo manoloana ny toe-draharaham-pirenena ankehitriny. “Tena latsaka an-katerena ny firenena”, hoy i Pety Rakotoniaina. Nohitsiany fa “avy amin’ny mpitondra ihany no mahatonga izany”. Gejaina ny vahoaka ary ezahina ampidirina ao an-dohany ny hafatry ny Sekretera jeneralin’ny Firenena Mikambana hoe : tsy azo atao ny manongam-panjakana. Nambarany fa mampitroatra ny vahoaka ny fahitana ireo vahiny mangoron-karena eto amintsika toy ny ao Soamahamanina, nefa misy fandraisan’andraikitry ny Fanjakana. Raha ny filazan’i Pety Rakotoniaina dia mahatratra 763 tapitrisa Euros isan-taona ny tombam-bidin’ny harena very eto amintsika, vola izay azo hivelomana sy hampandehanana ny asam-panjakana tsara tsy ilana findramam-bola avy any ivelany. Miantso ny hisian’ny fifampidinihina eo amin’ireo hery velona rehetra eto amin’ny firenena i Pety Rakotoniaina hitadiavam-bahaolana. Efa manana vahaolana voarafitra ho vinam-piarahamonina haroso amin’izany ny antoko tarihiny. Hapetraka aloha ny fototra mialoha ny hirosoana amin’ny fifidianana filoham-pirenena. Ekena fa efa nisy ny dinika teny amin’ny CCI Ivato saingy ny Fanjakana ihany no tsy nahatanteraka ny fehin-kevitra teny, hoy izy.

Pati