Politique

Pety Rakotoniaina �Mampirisika ny halatra omby ny Fanjakana�

Politique
Alakamisy 08 Septambra 2016

Miaina ao anaty tsy filaminana ny mponina eto Madagasikara ankehitriny, indrindra ny any amin�ny faritra ambanivohitra, noho ny afitsoky ny dahalo izay tena miravaka fitaovam-piadiana mahery vaika tokoa, hoy Atoa Pety Rakotoniaina filohan�ny antoko Tambatra.

Ny tsy fandraisana andraikitry ny fanjakana mihitsy no mahatonga ny fiparitahan’ireo fitaovam-piadiana samihafa ampiasain’ny dahalo amin’ny fangalarana omby ireo, hoy izy. Azo ambara fa “mampirisika ankolaka ny halatra omby mihitsy ny fanjakana”. Tsy sahin’ny mpitondra tanisaina ampahibemaso mantsy ny fiavian’ireo fitaovam-piadiana tra-tehaka tamin’ireo fanafihana nitranga taloha ireny. Novakiany bantsilana koa ny fisian’ny olona tsy maty manota amin’io halatra omby io, izay manana fifandraisana amin’ny manamboninahitry ny tafika amin’ny famatsiana fitaovam-piadiana ny dahalo any amin’ny Faritra Matsiatra Ambony sy ny manodidina. Manamafy ny fampirisihana an-kolaka ny halatra omby ataon’ny fanjakana koa, hoy i Pety Rakotoniaina, ny fanomezany alalana ny fihodinan’ny “abattoirs industriels” manerana ny Nosy.

Ntsoavina Evariste