Politique

Pastera Edouard �Fametrahana mpanjaka no natao teny Ivato�

Politique
Alatsinainy 16 Aogositra 2010

Tsy ny mpanao politika no hitondra amin’ny ankavia na ankavanana fa ny vahoaka no masi-madidy. Ho an’ny solontena avy amin’ireo Kmfb dia tsy fifanarahana politika no natao teny Ivato fa fifanarahana lany ‘fika’, hoy izy ireo. ‘Fika’ tadiavina hipetrahana ela eo amin’ny toerana, hoy ny pastera Edouard kanefa dia manome azy ireo ity volana ity ny tenany. “Fametrahana mpanjaka” no natao teny Ivato, hoy izy ary ireo ‘mpanompo azy’ no najoro teny. Tsy ho eken’ny fianakaviambe iraisam-pirenena na oviana na oviana ny toe-javatra toy ireny, hoy kosa i Victor Hong avy amin’ny ankolafy Zafy Albert. Efa nanao sonia ny fifanarahan’i Maputo rahateo koa ny ankamaroan’ireny sokajin’olona teny Ivato ireny. “Anjarantsika vahoaka ny mijery ny fihetsik’ireo mpanao politika ka aza omena vato intsony izy ireny”, hoy ihany izy. Herim-po no angatahina amin’ny tsirairay, hoy ihany i Victor Hong izay nanentana ny vahoaka handray andraikitra. Hitohy ary hiavaka ny hetsiky ny Ankolafy Telo amin’ity herinandro ity, araka ny fanazavana.

Nangonin’i Soa