Politique

Mpitondra sy mpanohitra Mila mifanome tanana

Politique
Talata 18 Oktobra 2016

Naneho ny heviny mikasika ny toe-draharaham-pirenena misy ankehitriny Razafimandimby Rija Ethel anisan�ireo tanora Malagasy manaraka fiofanana momba ny politika avo lenta eo anivon�ny YLTP.

Nambarany fa mila mifanome tanana ny mpitondra sy ny mpanohitra hahafahana mampandroso ny firenena. Tsy vitan’olona irery mantsy ny fampandrosoana ny firenena fa ny rehetra no miara-misalahy. Ho an’ireo mpanohitra dia nambarany fa tokony hijery tsara ny fanoherana hataony izy ireny fa tsy hitaona ny vahoaka mba hitsangana fotsiny, ireto farany izay efa reraky ny fifohazana amin’ny 4 ora maraina isan’andro. Mila mahay mihaino ny vahoaka ihany koa ny mpitondra ary politika mipaka any amin’ny vilanim-bahoaka no atao fa tsy manome vahana ny tombontsoan’olom-bitsy. Ny krizy ara-tsosialy ihany no mitarika any amin’ny krizy politika na dia efa misy mamadika aza ny filaharan’ireo ankehitriny. Mikasika ny fandraisana ny COMESA ankehitriny sy ny frankofonia moa dia nomarihiny fa tsy olana raha misy fiantraikany mivantana amin’ny fiainam-bahoaka.

Pati