Politique

Mpifidy eto Madagasikara 3 tapitrisa no tsy mahay mamaky teny sy manoratra

Politique
Zoma 21 Oktobra 2016

Tsy mahay mamaky teny sy manoratra ny 3.000.000 amin�ireo mpifidy mihoatra ny 18 taona eto amintsika.

Mbola olana goavana sedrain’ny firenena Malagasy izany, hoy Andriamandranto Ralison, tompon’andraikitra eo anivon’ny Sehatra fanaraha-maso ny fiainam-pirenena na ny SEFAFI ka tokony hitadiavam-bahaolana. Anisan’ny nanosika azy ireo handray anjara tamin’ilay seminera notanterahin’ireo fiarahamonim-pirenena isan-tsokajiny eto amintsika omaly tetsy amin’ny Solimotel Anosy izany, notarihin’ny sekretera jeneralin’ny minisiteran’ny Fitsarana sy ny masoivoho Frantsay miasa sy monina eto amintsika. Tanjona ny hahafahana mitady vahaolana mifandraika amin’izany ankoatra ny fampandraisana anjara ny rehetra amin’ny fampandrosoana ny firenena. Marihina moa fa tazana nanatrika ity seminera ity ihany koa ny avy eo anivon’ny KMF CNOE izay mitaky hatrany ny hisian’ny fifidianana mangarahara sy mirindra ao anatin’ny fanajana ny zon’ny mpifidy tsirairay manerana ny Nosy. Andrasana izay mety ho vokatr’ity seminera ity fa tsy hijanona fotsiny amin’ny fivoriana tahaka izao izay tena mahasarika antsika Malagasy tokoa.

Pati