Politique

Partagé sur :
• facebook

Tsy mety milamina mihitsy ny tontolon’ny fampianarana ambony eto Madagasikara. Nampiaka-peo indray izao ireo mpianatra ho mpitsabo eny anivon’ny oniversiten’Antananarivo izay mitaky ny handoavana ny vatsimpianarana telo volana : septambra, oktobra ary novambra. “Rariny raha mangataka ny hanomezana azy ireo miaraka izahay satria ny volana febroary no nanomboka ny taom-pianarana tato amin’ny fakioltenay ary ny faran’ny oktobra no mifarana kanefa mbola maromaro ny vatsimpianarana tsy azo”, hoy i Herimihanina Jean Jacques, filohan’ny fikambanan’ny mpianatra. Nanolotra soso-kevitra maromaro moa ireo mpianatra nandritra ny fivoriambe omaly.

Voalohany, ny fandoavana ireo vatsimpianarana ambiny ny 18 sy 19 oktobra izao. “Raha tsy tratra io fotoana io dia mangataka izahay mba ho azon’ny solontena atao ny mandray ny vatsimpianarana amin’ny alalan’ny fanomezana azy ny “procuration” . Raha tsy mbola mety ireo dia tokony ho azo raisina amin’ny taom-pianarana manaraka ny vatsimpianarana na koa alefa amin’ny alalan’ny Mvola” raha ny fanazavana nomen’ny filohan’ny fikambanan’ny mpianatra ihany. Fa tsy misy tokotaniny koa anefa ny vatsimpianarana momba ny fiofanana na allocation de stage ho an’ny taona faha-3 ka hatramin’ny faha-6. Na ny tetibola miompana amin’izany aza tsy mbola tonga eny anivon’ny oniversite akory. Ny fanadihadiana nataon’ny solontenan’ny mpianatra teny amin’ny ministeran’ny fahasalamana sy ny fampianarana ambony no namantarana fa amin’ny tetibolan’ny oniversite 2011 vao haloa io vatsimpianarana 2010 io. Nandefa taratasy any amin’ny fakiolte mangataka ny fanafainganana ny fandoavana azy ihany anefa ny mpianatra. 1200 ariary isan’andro ny vatsimpianarana momba ny fiofanana, izany hoe roa hetsy ariary isaky ny mpianatra eo ho eo mandritra ny taona.

Tia Tanindrazana

Samia mijoro ho an'i Gasikara.