Politique

Partagé sur :
• facebook

Vokatry ny krizy tamin’ny taona 2002 no nahatonga ny mpitondra tamin’izany nanangana ny fanabeazan’olom-pirenena vanona izay sampana iray ao amin’ny ministeran’ny fanabeazam-pirenena.

 Maro ireo olana nisy tamin’izany teo ny fanimbana ireo fananana iombonana izay tsy nisy nifandraisana tamin’ny krizy akory toy ny tetezana. Teo ihany koa ny fifandrafiana teo amin’ny samy Malagasy noho ny tsy fitovian-kevitra ara-politika. Mankalaza ny fahafolo taonany omaly, 18 desambra, ny Fanabeazan’olom-pirenena vanona ka maharitra efatr’andro ny hetsika mifandraika amin’izany ao amin’ny Kianja mitafon’i Mahamasina.

Maro ny asa vita araka ny nambaran’Atoa Randrianandrasana Jean Baptiste, tompon’andraikitry ny Fanabeazan’olom-pirenena vanona taminny fanentanana ny ray aman-dreny sy ny olon-tsotra momba ny zon’olombelona sy ny zon’ny ankizy. Amin’ny 27-28-29 desambra izao indray ny andiany manaraka momba ilay fanabeazana olon-dehibe. Nomarihin’ity sampana ity fa mbola misy hatramin’izao fotoana izao avokoa ireo zava-nisy tamin’ny fotoana nananganana azy toy ny fifankahalana eo amin’ny samy Malagasy sy ilay fanimbana ny fananana iombonana. Ny politika hatrany no antony. Nilaza ry zareo noho izany fa mila beazina koa ny mpanao politika. Ny fanomezan-danja ny soa iombonana no vahaolana. Ny tsy fanilihana ny hafa fa mamela ny rehetra handray anjara amin’ny fampandrosoana ny firenena.

Yves

Tia Tanindrazana

Samia mijoro ho an'i Gasikara.