Politique

Moramanga Savoritaka no niafaran�ny Dinika Santatra

Politique
Alatsinainy 02 Aogositra 2010

Vao nanomboka dia efa raikitra ny ady an-trano teo amin’ny samy Raiamandreny Mijoro tao an-toerana, miady an-toerana. Nifanjevoana koa ny resa-bola, nenti-nanana ny Dinika Santatra. Tsy nisy intsony izay fifanajana, fa hatramina manamboninahitra nifandramatra noho io resa-bola io. Araka ny fantatra mantsy dia natao hiantohana sakafo antoandro ho an’ny mpizaika ny tetibola teo am-pelatanana. Nezahin’ny mpandrindra naravondravona teny ihany ny olana nahafahana nanohy ny dinika. Niverina indray anefa ny olana rehefa mby teo amin’ny famaranana, ary dia savoritaka no niafarany tao amin’ny hotely “Emeraude” nampiantrano ny Dinika Santatra. Ny Faritra Alaotra Mangoro, izay tonga tao Moramanga mihitsy ny lehibeny, Ramandehamanana Richard, no nanome vola 4.000Ar isan’olona ho fandraisana anjara nandritra ny roa andro sy tapany nivoriana. Ireo mpizaika avy lavitra, fito izy ireo, avy any Mandialaza, Lakato, ary Antaniditra, kosa samy notolorana solona saran-dalana 10.000Ar isan’olona. Hisorohana ny tsy hiverenan’io olona io, dia nanome toky ny lehiben’ny Faritra fa hanampy amin’ny saran-dalan’ireo solontena 10 avy ao Moramanga, hiatrika ny dinika nasionaly, heverina hotanterahina afaka iray volana eo.

Nangonin’i Jean D.