Politique

Ministeram-panjakana Miahaka ny lamba maloton�ny MERI

Politique
Alarobia 03 Aogositra 2011

� Ny tokantrano tsy ahahaka �, hoy ny fahendren�ny Ntaolo. Soatoavina malagasy mbola maro mpankato izany, saingy misy ihany ireo tsy mahatana fa dia manahy ny lamba malotony.

Asa na noho ny fahatsapany fa tratry ny tsindry aloka loatra ka mitroatra na koa tsy mahatana vava fotsiny tsotra izao. Tranga iray miely erak’ireo fitaovan-tserasera moderna toy ny blaogy ny zava-misy ao amin’ny ministeram-panjakana misahana ny fifandraisana amin’ny andrim-panjakana (MERI) tantanan’i Yves Aimé Rakotoarisoa. Ao ireo mitaraina fa dia misy ny gaboraraka sy ny fanararaotana, indrindra amin’ny fampidirana mpiasa ao amin’ity ministera ity. Misy koa ireo milaza fa dia manjaka ny fanambaniana sy ny resa-piaviana. Etsy andanin’izay, misy ny andiana mpiasa milaza fa dia faminganana ataon’olom-bitsy ny zava-miseho ao amin’ity ministera ity ka dia nahavatra nanoratra tamin’ireo gazety vitsivitsy momba ny toe-draharaha iainana ao an-toeram-piasan’izy ireo. Raikitra noho izany ny ady an-trano amin’ity ministera misahana ny fifandraisana amin’ireo andrim-panjakana ity. Mivaky roa ireo mpiasa, eny telo mihitsy aza satria tsy maintsy eo ireo milaza azy ho tsy momba ny atsy na ny aroa.

Nangonin’i Soa