Politique

Me Rakotomanana Heriniana Tsy maintsy mifarana alohan�ny 31 desambra ny tetezamita

Politique
Zoma 16 Aprily 2010

Mandray an-tanana tsikelikely ny fitantanana ny fifidianana ny komity mahaleotena miadidy ny fifidianana (CENI). Tontosa omaly mantsy ny famindrana ny fahaiza-manao teo amin�ny fiadidiana ny primatiora lefitra misahana ny atitany sy ity komity ity.

Dingana voalohany amin’ny fanomanana sy fikarakarana ny fifidianana io vita io raha ny nambaran’ny filohan’ny CENI, Rakotomanana Heriniana satria ahafahana manomboka ny asa toy ny fandinihana ny daty hanatontosana ny fifidianana. Tsy maintsy mifarana mialoha ny 31 desambra 2010 rahateo ny fitondrana tetezamita raha ny fanazavany ihany. Amin’ny fotoana manaraka izay tsy mbola voafaritra kosa no hotanterahana ny famindrana ny lafiny fitantanan-draharaha sy teknika izay halefa tsikelikely. Dingana manaraka hiompanana ny fametrahana ireo rafitry ny CENI eny anivon’ny vondrom-bahoaka itsinjaram-pahefana miatomboka amin’ny faritra ka hatreny amin’ny fokontany. Nanome toky kosa i Manorohanta Cecile, praiminisitra lefitra misahana ny atitany, fa vonona hatrany ny departemanta tantaniny hanome tanana sy hiara-hiasa amin’ny CENI momba ny fijerena ny olana amin’ny fanatanterahana ny fifidianana. Ny tanjona, hoy izy dia ny hahatongavana amin’ny fifidianana mangarahara, demokratika ary eken’ny rehetra.

Yves