Politique

Me Olala Tsy mitombina ny sonia ho an�ny tondrozotra

Politique
Alarobia 03 Aogositra 2011

Tsy mitombina ny filazana fa hosoniavina ato ho ato ny tondrozotra, hoy ny Me Willy Razafinjatovo fantatry ny rehetra amin�ny hoe Me Olala.

Fanontaniana napetrany ny momba izay antontan-kevitra hosoniavina satria raha ny fanazavany dia tsy ankatoavin’ny maro na ny eto an-toerana na ny any ivelany ilay tondrozotra natolotry ny Dr Leonardo Simao sy Tomaz Salomao. Raha ilay hoe tondrozotra asiam-panitsiana nivoaka tamin’ny fihaonan’ireo mpitondra fanjakana eo anivon’ny SADC tany Sandton indray, raha ny fanazavan’ny Me Olala ihany dia tsy mbola hita hatreto hoe aiza io antotan-taratasy io. Araka izany dia velon’ahiahy ity mpahay lalàna ny amin’izay antontan-taratasy tadiavin’ny FAT hampanasoniavina ireo mpanao politika. Nanitrikitrika ny tenany fa tsy misy afa tsy ny miandry izay toromarika avy amin’ny iraisam-pirenena mialoha ny hanaovan-javatra hafa hisorohana olana vaovao. Miantso ny FAT koa ny tenany mba tsy hanakorontana na handrebireby ny saim-bahoaka !

Nangonin’i Soa