Politique

Manoela Voasambotra ary tanana eny Betongolo

Politique
Alarobia 16 Jona 2010

Anisan�ireo tanora nandray ary mpandray fitenenana ao amin�ny hetsiky ny ankolafy telo i Manoela. Teny amin�ny Magro Ankorondrano no nahalalan�ny olona ity zanak�i Toliara ity ary mitohy hatreny Tajombato sy Behoririka izany.

Solontenan’ny Tanora Marc Ravalomanana na TMR ny tenany. Omaly dia isan’ireo nandaha-teny tao Behoririka i Manoela. Rehefa handeha hody iny izy, hihazo an’Ankadindramamy, dia nandray taxibe teny ambany tetezana Behoririka. Araka ny vaovao dia nisy fiara 4x4 nanaraka ilay taxibe nandehanany. Rehefa tonga teny Besarety dia nosakanan’ny zandary ilay taxibe ka nasainy nanaraka azy ireo tsimoramora niakatra an’i Mangasoavina hihazo an’i Betongolo. Rehefa tonga teny amin’ny tobin’i Betongolo ilay taxibe dia efa niandry teny an-toerana ny kolonely avy amin’ny Emmo-Reg. Nosavaina ilay taxibe ka rehefa hitan’izy ireo i Manoela dia notondroina avy hatrany ary nilazan’ny kolonely fa “midina fa ianao no tadiavinay”. Saika hosavaina avokoa ireo mpandeha tao anatin’ilay taxibe fa hoe sao mbola nisy naman’i Manoela kanefa moa dia nalefan’ireo mpitandro ny filaminana ihany. Raha hiverenana dia anisan’ireo mpandray fitenenana eny an-kianja i Manoela, mahitsy fitenenana izy rehefa miteny, koa asa na mety ho izay no nisamboarana azy na mbola tohin’ny raharaha FIGN ihany koa. Hatramin’ny fotoana nanoratana aloha dia tsy fantatra mazava izay mety hiandry ity tanora zanak’i Toliara ity mandritra sy aorian’ny famotorana.

Soa