Politique

Manjakandriana Tambazana 50.000Ar isan�olona ny Sefo Fokontany

Politique
Talata 02 Novambra 2010

Mitety faritra ireo ministra ao amin’ny governemanta manazava ilay volavolan-dalàmpanorenana hitsapana ny hevi-bahoaka amin’ny 17 novambra 2010 sy mitaona ny olona hifidy ary mangingina any ambadika any ny fampandaniana ny ENY. Tao Manjakandriana ny sabotsy 30 oktobra lasa teo, dia tonga tany an-toerana ny ministra mpiahy. Nisy ny famoriana olona, indrindra ireo voakasika mivantana amin’ny fampanjariana ny fifidianana. Taorian’ny fihaonana dia nanaitra ny olona ny zava-nitranga. Nantsoina manokana ireo sefo Fokontany, nasaina niditra tsiefatrefatra tao anaty efitra iray. Fantatra tao anatin’izany fa nomena dimy alina ariary isan’olona ireto sefo Fokontany ireto. Tsy nisy fanazavana mazava moa ny anton’ny nanomezana ny vola, fa resaka mandeha tety ivelany no nandrenesana fa nomena andraikitra hitaona ny olona ho avy handatsa-bato ary hampandany ny ENY ireto nomena vola ireto. Tsy matoky tena intsony ny mpitondra, hoy ny resaka mandeha. Volam-panjakana ihany anefa no atao fafikatrana hampandaniana ny ENY.

Nangonin’i Jean D.