Manakara 58

70 ny mpiasa manohana ny Ben�ny tan�na

Politique
Alarobia 21 Aprily 2010

Nisokatra ny birao ary niasa toy ny andavanandro ny mpiasa rehetra tao amin’ny kaominina Manakara ny talata 20 aprily, na nisy andian’olona niezaka nanely vaovao fa hofantsihin’ny mpiasa ny biraon’ny Kaominina ka tsy hisy asa vanona tamin’io andro io, vaovao izay niely an-gazety sy tamina onjam-peo tsy miankina teto an-drenivohitra ihany koa.

Namory ny mpiasa, izay misy 70 eo, ny Ben’ny tanàna, Andriano Giscard omaly. Nisy fanangonan-tsonia ny amin’izay vonona hiara-hiasa aminy. 58 nanao eny, hanohy ny lalana miaraka amin’ny Ben’ny tanàna, dimy nandà ary tsy vonona hiara-hiasa, ny dimy hafa tsy nilaza ny heviny ary roa ambiny tsy niasa fa nahazo fialan-tsasatra kely tamin’io fotoana io. Mazava ny resaka ankehitriny. Mpandoto rano no betsaka ao Manakara ary ny manely tsaho amin’ny haino aman-jery sy ny gazety no asany sy hainy. Na izany aza, eo anatrehan’ity fanangonan-tsonia omaly ity dia diso paika ireo niketrika hanakorontana ny tanànan’i Manakara.

Jean D.