Politique

Mamonjisoa Isaac Fandaniam-potoana ny fihaonana any Afrika Atsimo

Politique
Alatsinainy 19 Aprily 2010

Nanatanteraka ny kongresiny voalohany ny fikambanana FTSV (Fikambanana Tanora Sahy Vonona) ny sabotsy 17 aprily teo, tao amin�ny Carlton ka mpikambana 600 mahery avy any amin�ny faritra no nandray anjara.

Nandritra ity fotoana ity no nifidianana ny birao mpitantana ny fikambanana ahitana ny filoha, ny sekretera jeneraly, ny mpitambola ary ny mpandrindra isam-paritra. Mbola lanin’ny besinimaro ho filoha hatrany i Mamonjisoa Isaac izay mpanorina ny FTSV. Nohazavain’ity farany fa na dia vao telo taona monja aza no nisian’ny fikambanana dia efa misandrahaka manerana ny Nosy. Maro ihany koa ireo asa soa nosahaniny tao amin’ny tanànan’i Mahajanga, toy ny fanomezana sakafo ireo fianakaviana sahirana, fanampiana ray aman-drenin’ny mpianatra ary fanamboaran-dalana mirefy 500 m.

Eo amin’ny lafiny politika dia tsy hihemotra manoloana ny fanenjehana azy taorian’ny fanehoan-keviny momba ny raharaham-pirenena i Mamonjisoa Isaac. Aminy dia ny fananganana governemanta tarihin’ny miaramila sy sivily miaraka izay hanatanterahana ny fikaonan-doham-pirenena sy ny fifidianana no vahaolana amin’ny krizy. Raha ny fihaonana izay tontosaina any Afrika Atsimo ny 25 aprily izao indray dia nambarany fa «fandaniam-potoana fotsiny satria mitovy amin’ny natao teny amin’ny Lehintsy Ambohimanambola ihany izany saingy 400 km miampita ranomasina fotsiny no mampiavaka azy».

Yves