Politique

Malalatiana Rasoaniaina Novantambantaniny izay ho eny Ivato

Politique
Alatsinainy 13 Septambra 2010

Raha mivavaka mafy hahatanteraka tsy misy raorao ny fihaonambem-pirenena ny Raiamandreny Mijoro sy ny Vondron�olom-pirenena dia sarintsarim-pivoriana sady fandanian�andro no fandaniam-bola fotsiny io, raha ny fahitan�ny mpitaky ny hiverenan�ny ara-dal�na azy.

Kaontin’ny tsy misy izay ho fehin-kevitra hivoitra ao. Hentitra Rtoa Malalatiana Rasoaniaina, mpandrindra ny KMFB eny Antananarivo Atsimondrano, nanondro an’io fihaonambem-pirenena hatao eny Ivato manomboka anio io ho “fihaonamben’ireo olona miaro ny tombontsoa frantsay ka ny tanjony voalohany dia ny hanao izay tsy hahatafaverina an-tanindrazana ny filoha Marc Ravalomanana”. Hita miharihary izany, hoy izy satria dia ezahin’izy ireo tsy horesahina mihitsy io resaka Ravalomanana io. Tsy nitsitsy fitenenana Malalatiana Rasoaniaina nilaza fa “taranaka PADESM ny ankamaroan’ireo, tsy sahy miatrika fifidianana, ary koa matahotra mafy an’i Joaquim Chissano satria ity farany tsy manaiky ny tsy rariny, ny tsindry hazo lena atao amin’ny vahoaka, ny fanampenam-bava, ny fanosihosena ny demokrasia ary ny familiviliana ny safidim-bahoaka”. Amin’i Malalatiana Rasoaniaina dia fihaonambe ivondronan’ny olobe no ekena, izay no mampiray sy mampifankatia ny samy Malagasy.

Jean D.