Politique

Maitre Rasamimaka Mahefalahy �Mbola maro ny tia tanindrazana�

Politique
Zoma 19 Novambra 2010

�Tsy mbola nisy ohatra ity fifidianana natao ny alarobia teo ity teto ambonin�ny tany�, hoy ingahy Rasamimaka Mahefalahy tsy nisalasala naneho ny heviny, taorian�iny fitsapan-kevi-bahoaka natao ny alarobia 17 novambra iny.

Notohizany hatrany ny fanazavany ka nilazany fa «kitoatoa miharo tsy fahaiza-manao sy tsy fahampiana traikefa ireny. Ny CENI ihany no nilaza fa ny lisi-pifidianana nokarakarain’izy ireo iny no tena tonga lafatra hatramin’izay 50 taona nisian’ny fifidianana sy fitsapan-kevi-bahoaka izay, ireny anefa ny vokany». Ho an’ny Maitre Rasamimaka Mahefalahy dia «fomba nentina nampitomboana ny taham-pifidianana handaniana ny Eny mba hijanonan’ny FAT maharitra eo amin’ny fitondrana ireny fepetra noraisiny tampoka amin’ny androm-pifidianana ireny». Nambarany hatrany fa menatra ny mpahay lalàna mahita ireny, fa “hay ambony fahefana araka ny lalàna ny kara-pokontany noho ilay ordonnance avoakan’ireo mpitsara nanao fianianana». Amin’ny Maitre Rasamimaka dia mbola tena maro ireo tia tanindrazana ao Toamasina,matoa mbola nahita 60% eo ny taha tsy fandehanana mifidy sy manodidina ny 30% nampandany ny Tsia, noho ny fitsinjovana ny taranaka faramandimby». Nisaotra ny Malagasy rehetra nampiseho ny tena safidiny sy ny tena ao am-pony marina ingahy Rasamimaka Mahefalahy, ka nilazany fa «mila mijoro hatramin’ny farany ny Malagasy» fa mandady ny trambo.

Rakoutou