Politique

Mahazoarivo Nihaona naharitra i Vital sy Simao

Politique
Talata 28 Jona 2011

Teny amin’ny Lapam-panjakana Mahazoarivo, nihaona naharitra tamin’ny jeneraly Camille Vital omaly tolakandro ny Dr Leonardo Simao, mpitondra tenin’ny Sekretera mpanatanteraky ny SADC. Nitohy tamin’ireo tompon’andraikitra ambony misahana ny filaminana ny fihaonana taorian’izay. Araka ny filazan’ny jeneraly Camille Vital dia nampisahotaka ny teo anivon’ny fitondrana FAT ny fanapahan-kevitr’ireo filoham-pirenena tao Sandton nilaza fa noho ny antony politika dia miverina an-tanindrazana tsy misy fepetra ny filoha Marc Ravalomanana. Ny hahazoana fanampim-panazavana mikasika ny tondrozotra nasiam-panitsiana rahateo no anton’ny fihaonana omaly io. Naharitra ny tolakandro manontolo ny fihaonana.

Nangonin’i Jean D.