Politique

Magro Behoririka Nomen-danja ny sosialy

Politique
Alatsinainy 19 Jolay 2010

Hafa tsy toy ny isan�andro ny hetsika tao amin�ny Magro Behoririka ny sabotsy 17 jolay teo. Nomena lanja manokana ny sosialy teto.

Nisy ny tsara sitrapo, mahatsapa ny halehiben’ny hetsika ataon’ny Ankolafy telo, ho fampanjakana ny demokrasia, ny famerenana ny ara-dalàna sy ny fahalalahana eto Madagasikara, ka dia mahatsiaro ho manana anjara biriky amin’ny fampanjariana izany. Teto dia tohana ara-tsakafo no endrika nisehoany. Nisy, araka izany, ny fizarana sakafo masaka, nialoha ny kabary fanentanana. Sambany no nisy toy io hatramin’ny nampiasan’ny Ankolafy telo io toerana ao Behoririka io.

Hiseho amin’ny endrika hafa kely koa anio ny hetsika eny an-toerana. Hiditra an-tsehatra indray eto ny vehivavy, tarihin’ny vehivavy legalista, izay nanao antso ho an’ny vehivavy Malagasy rehetra, milaza fa tsy avela ho sahala amin’izao ity firenena ity. Koa manomboka anio alatsinainy dia hifampitaona izy ireo hanao izay hahahipoaka ny kianjan’ny finoana Behoririka ary hitohy tsy tapaka izany hetsika izany mandra-pahatongan’i Joaquim Chissano eto, hanohy ny dinika fitadiavam-bahaolana hivoahana amin’ny krizy. Izany moa dia tolona hanamafisana ny famerenana ny fahamarinana sy ny fahamasinana.

Jean D.