Politique

Magro Behoririka Nivolon�andro fety fitsenana an�i Dada

Politique
Alatsinainy 01 Aogositra 2011

Andron’ny vondrom-pikambanana manohana ny filoha Marc Ravalomanana ny sabotsy teo tetsy amin’ny Magro Behoririka. Niavaka ny hetsika nataon’ny Vondron’Olontsotra izay nanao diabe avy etsy Antanimena niaraka tamin’ny sorabaventy niditra an’i Magro tamin’io. Niavaka koa ny haingon-tsehatra tao an-toerana ary nivolon’andro fety tena efa manomana sahady ny fitsenana an’i Dada ny tao an-kianja.

Feno hipoka ny tao Behoririka izay nahazo hery tokoa noho ny fidiran’ny Filoha Ravalomanana nivantana an-telefaonina tany amin’ny fiafaran’ny fotoana. Efa mamofompofona andro fety raha ny fahatongavana marobe toy izao, hoy i Feno raha nanamarika ny zava-nisy. Tsapa fa mifampatoky i Marc Ravalomanana sy ny vahoaka, hoy izy. Tsy noho ny mpitarika no maha eto isan’andro ny vahoaka fa noho i Marc Ravalomanana mihitsy, hoy ny pasitera Edouard Tsarahame. Rehefa izay dia nampirisika ny mpitolona hanao ny fanamiana ahafantarana azy i Manoela.

Manohy