Politique

Madagasikara Mbola arahan�ny SADC maso akaiky

Politique
Alarobia 17 Aogositra 2016

Nalefan�ny Sadc aty Madagasikara mba hijery ny toe-draharaha ara-politika sy ara-toekarena eto amin�ny firenena Atoa Joachim Chissano.

Nihaona tamin’ny filoha Hery Rajaonarimampianina teny Iavoloha izy omaly ka niara-dia taminy tany an-dapa ihany koa ny masoivohon’i Afrika atsimo sy Maorisy miasa eto amintsika. Hanao tatitra any amin’ireo filoham-panjakana eo anivon’ny Sadc ny amin’ny zava-misy marina eto avy eo ity iraka manokana ity, taorian’ny fametrahana ireo rafi-pitantanana sy ny fiverenan’ny fifandraisana amin’ny any ivelany tsikelikely. Fihaonana voalohany teo amin’i Hery Rajaonarimampianina amin’ny maha filoha azy sy Joachim Chissano ity omaly ity ka nahafahan’ny roa tonta niresaka teboka maromaro ny amin’ny drafi-panarenana an’i Madagasikara taorian’ny krizy nolalovany. Tafiditra ao anatin’ny lisitr’ireo hihaonan’i Joachim Chissano hatramin’ny zoma hijanonany eto ny filohan’ny antenimierandoholona sy ny antenimieram-pirenena, ireo filoham-pirenena teo aloha ary mpitondra fivavahana vitsivitsy.

Nangonin’i RTT