Politique

Madagasikara 5 taona tsy misy mpanohitra ara-dal�na

Politique
Alakamisy 03 Novambra 2016

Matoam-baovao iray misongadina eto Madagasikara hatramin�izao ny sata mifehy ny mpanohitra.

Marobe tokoa ireo antoko sy vondrona politika mitsikera ny fitondrana Rajaonarimampianina fa tsy hita soritra mazava kosa ny fahasahian’izy ireo mandray ireo toerana 2 eny anivon’ny fahefana mpanao lalàna hatreto. Efa hananika ny fahatelo taonany sahady, ohatra, ny fijoroan’ny Antenimieram-pirenena saingy mbola banga hatramin’izao ny seza faha-7 natokana ho an’ny mpanohitra eny Tsimbazaza. Torak’izany koa ny toeran’ity farany etsy amin’ny Antenimierandoholona Anosikely herintaona latsaka aty aoriana. Takiana amin’ny mpanohitra rahateo ny fampahafantarana io fironan-kevitra fanoherana io eny amin’ny minisiteran’ny Atitany ankoatra ny fanambarana ampahibemaso, araka ny voalazan’ny lalàna laharana 2011-013 nankatoavina ny 9 septambra 2011. Miteraka ady hevitra tsy misy farany manokana moa ity fanapahan-kevitra noraisina nandritra ny fitondrana tetezamita lavareny ity. Manampy trotraka ihany koa ny tsy fahitan’ireo vondron’ny mpanao politika mpanohitra Malagasy marimaritra iraisana. Madagasikara izay firenena tsy ahitana mpanohitra ara-dalàna hatramin’ny nitsanganan’ny Repoblika faha-4.

Ramano F.