Politique

Lietn�-kolonely Charles Andrianasoavina �Na higadrako any Guantanamo aza !�

Politique
Zoma 22 Jolay 2011

Noho ny fahatongavan’ireo mpanao famotorana avy amin’ny Fitsarana iraisaim-pirenena dia nampita tamin’ireo fianakaviany ny lietnà-kolonely Charles Andrianasoavina fa vonona ny hilaza ny marina rehetra mikasika ny fanonganam-panjakana nataony sy ny filohan’ny FAT sy ny fantany mikasika ny raharaha 7 febroary. “Na higadrako any Guantanamo aza dia vonona aho hilaza izany”, hoy ny filazany tamin’ireo havany.

Marihina fa efa eto Madagasikara hatramin’ny alin’ny alatsinainy 18 jolay teo ireo mpanao famotorana avy amin’ny Fitsarana iraisam-pirenena hanao fanadihadiana manodidina ny “raharaha 7 febroary” taorian’ny fitoriana napetraky ny filoha Marc Ravalomanana. Tsy vitan’izay fa nitantara ihany koa ny tenany tamin’ireo fianakaviany fa raha nanaraka ny toroheviny ny amin’ny tokony hanaovana fampihavanam-pirenena eo amin’ny Malagasy rehetra ny filohan’ny FAT dia tsy tahaka izao ny zava-misy. Ninia nanampin-tsofina foana mantsy ity farany, araka ny nolazain’ny Kly Charles tamin’ireo fianakaviany ihany.

Nangonin’i Jean D.