Politique

Lalatiana Ravololomanana �Manahirana ny hihavana amin�ny olona tsy mitana ny teny nomeny�

Politique
Alakamisy 29 Aprily 2010

Isan�ireo nandray fitenenana nandritra ny hetsiky ny ankolafy telo teny amin�ny kianja monisipaly Alarobia i Lalatiana Ravololomanana. Ny Fihavanana no tena nasiany tsindrim-peo manokana.

Very hasina ny tanindrazana, hoy izy, manoloana ny zavatra ataon’ireo misora-tena toa voatango. Tsy hanaiky ny famarotana ny tanindrazany amin’ny frantsay ny Malagasy tia tanindrazana, hoy ihany izy. “Ny Fihavanana no simenitry ny firenena”, hoy izy, ary firenena vanona no haorina eto. “Aoka hihoarana ny ankolafy fa ny Malagasy dia iray ihany”, hoy ihany ity mpitari-tolona sady filoha nasionalin’ny antoko Manda ho an’ny firaisam-pirenena ity ary mpikambana ao amin’ny ankolafy Zafy Albert ity, izay tsy nihambahamba koa niteny fa manahirana ny hihavana amin’ny olona tsy mitana ny teny nomeny.

Ho an’ny dokotera Razafindrakoto Harison, filohan’ny Hery Politika Mitambatra indray, dia mazava ny nambarany fa tsy ny mpitondra no mahamaika, hoy izy, fa ny rafitra apetraka hitondrana ny firenena. Tsy maintsy mandalo fampihavanana ny tetezamita. Tsy midika ho fikolokoloana ny tsy maha maty manota anefa izany, hoy ihany izy izay nanambara fa hampihavanina amin’ny tantarany ny Malagasy.

Soa