Politique

Partagé sur :
• facebook

Mpanao politika maro sy mpandinika politika no miray feo fa lalàmpanorenana natao hanilihana olona iray, mba hahafahana mametraka olona iray hafa hanjaka, ity hisisihan’ny Fahefana Avon’ny Tetezamita haroso hitsapana ny hevi-bahoaka amin’ny 17 novambra ity.

Raha i Marc Ravalomanana anefa no tadiavina kendrena anatin’ity volavolan-dalàmpanorenana ity, noho izy nampivady ny asan’ny filoham-pirenena amin’ny asan’ny filoha lefitry ny FJKM (tsy voararan’ny lalàna rahateo izany), dia tratra koa ny hafa raha raikitra ihany io fitsapan-kevi-bahoaka io ka lany ny ENY. Ny andininy faha-49 ao mantsy dia milaza fa “ny asan’ny Filohan’ny Repoblika dia tsy azo ampirafesina amina asam-panjakana nahavoafidim-bahoaka, asa aman-draharaha hafa, asa ao anatin’ny antoko politika, vondrona politika, na fikambanana, ary fisahanana andraikitra eo anivon’ny fikambanam-pivavahana. Izay rehetra fandikana ireo fepetra voalazan’ity andininy ity, voamarin’ny Fitsarana Avo momba ny Lalàmpanorenana, dia zary ho antony amin’ny tsy fahafahana miasa tanteraka ho an’ny Filohan’ny Repoblika”.

Raha io no mihatra dia bye bye Pastera Mailhol, filoha mpanorina ny Fikambanana Apokalypsy eto Madagasikara, mieritreritra ny hitondra firenena amin’ny 2013 araka ny faminaniany. Raha tsy mametra-pialana mialoha ny fotoana koa i Lahiriniko Jean, mpitam-bola amperin’asan’ny Fiangonana Loterana Malagasy, tsy ho afaka hirotsaka ho kandida filoham-pirenena raha mbola manam-panirina ho amin’izany izy. Ampahany ihany reo !

Tia Tanindrazana

Samia mijoro ho an'i Gasikara.