Politique

Lal�mpanorenan-dRajoelina Sangahena ny CCC

Politique
Talata 07 Septambra 2010

Milaza ho manana volavolan-dal�mpanorenana, izay norafetiny niaraka tamina teknisianina sy manampahaizana maro samihafa ny filohan�ny FAT Andry Rajoelina, ary hampahafantarina mialoha ny hanatanterahana ny fihaonambem-pirenena izany.

Nandritra ilay resaka nifanaovany tamin’ny mpanao gazety ny alahady lasa teo moa no nanambaran’ny filohan’ny FAT izany, ary mbola nanamafy ny voalaza rehetra ny vaovao an-tsarin’ny TVM ny alarobia alina teo. Tsy am-pisalasalana no nilazan’i Andry Rajoelina fa lalàmpanorenana tena mety amin’ny Malagasy sy i Madagasikara ity novolavolainy ity ary mino sy resy lahatra izy fa ho maro no hitovy fomba fijery aminy. Tsy misy maharatsy mihitsy ny fandrafetana volavolan-dalàmpanorenana, ary afaka manao izany ny rehetra, ny nahagaga ny maro dia ny hoe : fa inona ny antony tsy nanoloran’i Andry Rajeolina, na ny solontenany izany teny amin’ny CCC na ny komity fakan-kevitra momba ny lalàmpanorenana-Tsimbazaza, tahaka ny nataon’ny rehetra. Raha ny fanangonam-baovao natao anefa, dia efa ela no vonona io volavolan-dalàmpanorenan’ny filohan’ny FAT io, fa tsy hoe vao izao na tamin’ny iray volana lasa. Manaraka izany dia manitikitika ny maro koa hoe, nahoana no tsy maintsy asiana fampahafantarana manokana, sy miavaka tamin’ny an’ny rehetra izy ity ? Raha ny fahazoana ny resak’i Andry Nirina Rajoelina mantsy dia hisy ny fampahafantarana ofisialy an’ity volavolan-dalàmpanorenana norafetiny sy ny mpiara-miasa aminy ity, mialoha kelin’ny fihaonambem-pirenena.

Fa nahoana no tsy tonga dia natolotra ny CCC ilay izy dia, arakarak’izay fomba fiasa sy fandaminan’izy ireo azy any ka aseho daholo ny hevitra rehetra mandritra ny fihaonambem-pirenena, dia eo amin’izay no atao ny adihevitra sy ny fandravonana. Ho an’ny mpanaraka ny vaovao politika dia mahatakatra avy hatrany, fa mitady ny hanao amboletra ka hampandany ny lalàmpanorenany indray i Andry Rajoelina sy ireo mpiara-dia aminy, ka ho karazana haingon-trano fotsiny ireo soso-kevitra maro be natolotra teny Tsimbazaza. Tsy vitsy ihany koa no mieritreritra fa fanahy niniana natao izao mba hanindriana aloka izay zavatra rehetra dinihana momba ny lalàmpanorenana ao anatin’ny fihaonambem-pirenena. Eo amin’ny lafiny serasera tokoa mantsy dia manana tombony ireo izay miteny farany na mamoaka ny heviny aorian’ny fandraisam-pitenenana sy fanazavan-kevitry ny hafa. Fantatr’i Andry Rajoelina tsara izany, noho izy niasa an-taonany maro teo amin’ny sehatry ny serasera.

Raha nihaona tamin’ny mpanao gazety moa omaly ny CCC dia nanamafy fa tsy nandalo teo aminy izany volavolan-dalàmpanorenan-dRajoelina izany ka anjaran’ny Raiamandreny Mijoro sy ny CNOSC izay mpikarakara no manapaka raha azo raisina sy dinihana izany na tsia. Nanamafy koa i Rakotoarisoa Florent, filohan’ity komity ity fa tsy mamorona volavolan-dalàmpanorenana akory na koa manana laharam-pahamehana ireo mpikambana fa ny fanoratana ny lalàmpanorenana izay lanieran’ny besinimaro mandritra ny fikaonandoham-pirenena hotontosaina ny 13 ka hatramin’ny 18 septambra izao no anjaran’izy ireo. Volavolan-dalàmpanorenana miisa 300 tsiahivina ihany no voarainy hatramin’ny 4 jona lasa teo, fe-potoana farany fandraisana ny tolokevitra avy amin’ny mpanao politika, mpahay lalàna, lehiben’andrimpanjakana teo aloha ary olom-pirenena tsotra.

Efa voadinika sy nanaovany fandravonana avokoa ireo volavolan-dalàmpanorenana ireo. Raha ny fanazavan-dRakotoarisoa Florent, filohan’ny CCC dia namoaka tahirin-kevitra mirakitra ireo karazana rafi-pitondram-panjakana nisy sy lalàmpanorenana miaraka amin’ny tombontsoa sy ny lafiny ratsy avy tamin’ny alalan’ny fandravonana ireo volavolan-dalàmpanorenana voarainy ity rafitra ity. «Izay no atao dia hanamorana ny fifampidinihana sy hamerenana amin’ny laoniny ny dinika raha misy mivaona» raha ny fanazavany ihany. Namoaka rakibolana amin’ny teny malagasy momba ireo teny sy tsipelina mety hanahirana ny fahazoana azy izay zaraina amin’ny mpandray anjara koa ny CCC hanamorana ny fizotry ny adihevitra mandritra io fikaonandoham-pirenena io.

Yves sy RTT