Politique

Partagé sur :
• facebook

Noesorin’ny UDR-C tsy ho mpikambana ao aminy intsony i Lahiniriko Jean. Omaly no nampahafantaran’ny birao UDR-C, notarihin-dReboza Julien, sekretera nasionalin’ny antoko PSDUM sady minisitry ny rano, io fanapahan-kevitra io ary nampitaina tamin’ny mpanao gazety tetsy amin’ny hotel Colbert Antaninarenina.

 Amin’izy ireo mantsy dia ny UDR-C no angady nananana sy vy nahitana izao fiovana misy eto amin’ny firenena izao izay manohana feno ny filohan’ny FAT. Vokany, tokony ho olona nahazo tso-drano sy fankatoavana avy amin’i Andry Rajoelina ihany no afaka milatsaka hofidiana, hoy izy ireo fa tsy mandeha ila. Fitsipahana marindrano ny foto-kevitra ijoroan’ny UDR-C, hoy ihany izy ireo ny fanapahan-kevitr’i Lahiniriko Jean, nilaza fa kandidan’ny PSDUM ary nahazo tsodranon’ny UDR-C amin’ny fifidianana filoham-pirenena satria mampizarazara ny samy mpikambana.

Tsy nanisy resabe momba io fandroahana azy tsy ho mpikambana UDR-C io i Lahiniriko Jean. Ity farany izay nametraka ny tenany ho raiamandreny na eo aza ny angaredona ataon’ireo mpiara-dia aminy eo anivon’ny antokony sy ny UDR-C notarihiny. “Ny zanaka no mahafoy ray aman-dreny fa ny ray aman-dreny tsy mahafoy zanaka”, hoy ny filohan’ny PSDUM. Marihina fa omaly dia mbola i Lahiniriko Jean no nitarika ny UDR-C nihaona tamin’ny Dr Leonardo Simao, iraky ny SADC manao fakan-kevitra mikasika ny fampiharana ny tondrozotra, indrindra ny resaka amnistia sy ny fodian’ireo sesitany politika toa an’i Marc Ravalomanana.

Pati

Tia Tanindrazana

Samia mijoro ho an'i Gasikara.