Politique

Kongresin�ny Tetezamita Mpikambana 250 amin�ny 256 no voatendry

Politique
Alarobia 13 Oktobra 2010

Raha 256 no ho mpikambana ao amin�ny Kongresin�ny Tetezamita, dia 250 no napetraka tamin�ny toerany omaly teny amin�ny Lapan�ny Antenimieram-pirenena teny Tsimbazaza izay lasa ho Kongresin�ny tetezamita ankehitriny.

Araka ny nambara tamin’izany, dia mbola miandry didim-panjakana hafa ny fanendrena ny enina ambiny. Ny didim-panjakana 2010- 852 no nanendry ireto 250 napetraka tamin’ny toerany omaly ireto. Raha ny fitsinjarana ireo toerana 256 ireo dia ny anjaran’ny Fiadidiana ny Tetezamita ny 07, anjara manokana tsy ifampizaran’ny Filohan’ny FAT ny 11, Olobe sy Tangalamena (22), TGV (52), UDR (29), ESCOPOL (62), HSPM (07), AREMA (07), Les AS (07) ary ny TIM (52).

Tsikaritra tamin’izao fanendrena izao, fa nisy ireo gadra politika tamin’ny raharaha 2002 no efa voatendry sahady ho mpikambana amin’ity andrimpanjakana ity toa ny Jeneraly Randriafeno sy ry Zakahely Boniface ary ry Voninahitsy Jean Eugène. Tsy mbola nivoaka anefa ny lalàna momba ny famotsoran-keloka faobe, dia efa misy sahady ny mahazo toerana. Mampametra-panontaniana ihany izany. Anisan’ireo voatendry ho eny Tsimbazaza moa ny mpanao gazety Maka Alphonse (La Vérité), izay avy amin’ny Raiamandreny Mijoro, sy ny mpikambana tao amin’ny Fahefana Ambonin’ny Tetezamita teo aloha Ratovonomenjanahary.

Rabe