Politique

Komand� Roger Luc Hosamborina ihany koa ?

Politique
Talata 23 Novambra 2010

Araka ny loharanom-baovao dia tsy mitsahatra ny fanadihadiana an’ireo manamboninahitra notondroin’ny FAT fa nikomy teny amin’ny BANI Ivato. Fantatra kosa anefa fa misy amin’izy ireo no manonona anaran’olona hafa. Anisan’ireo voatonona amin’izany ny komandà Roger Luc sy ny lehiben’ny toby RFI eny Ivato ihany. Misy mihitsy aza raha ny tsiliantsofina omaly ny amin’ny fivoahan’ny didy fampisamborana ireto manamboninahitra roa ireto. Hatramin’ny ora nanoratana anefa dia tsy mbola nisy izay fisamborana izay. Mbola mandeha moa ny famotorana fa ho hita eo ihany ny mikasika azy roalahy ireo. Fantatra ihany koa fa tsy nanomboka ny famotorana ireo manamboninahitra ireo teny Ankadilalana raha tsy tonga teny an-toerana ny jly Ndriarijaona André. Inona avokoa no dikan’izany ? Tsy maintsy hivoaka ny marina mikasika ity tranga teny amin’ny BANI ity. Tsy vitsy mantsy ireo izay mihevitra fa sarimihetsika izy iny. Ny nahagaga dia toa tsy voakasika ny lehiben’ity toby ity nefa tao no nanao fanambarana ireto manamboninahitra ireto.

r.d