Politique

Kolonely Ravalomanana �Tsy voatazona teny amin�ny BANI izany aho�

Politique
Zoma 19 Novambra 2010

Nandeha be ny feo ary nivoaka tamin’ny radio tsy miankina sasantsasany mihitsy aza fa hoe notazomin’ireo manamboninahitra haka fanjakana tao amin’ny tobin’ny BANI ny Kolonely Ravalomanana Richard, lehiben’ny Emmo-Reg. Nanda izany izy rehefa nanontaniana. Nandalo teny fotsiny ihany ny tenany mba nijery ny zava-misy sy nanotrona ireo olony tamin’ny fandravana ireo barazy nataon’ny sivily tamin’ny lalana mihazo an’Ivato, raha araka ny filazany. Tsy niditra tao amin’ny BANI akory mba hitady marimaritra iraisana izany ny tenany raha jerena amin’io fanazavana io. Izy rahateo dia nilaza fa resaky ny samy miaramila io ka tsy afaka ny hitsofoka amin’izany ny Emmo-Reg. «Manampy fotsiny ihany no azonay atao. Na izany aza anefa dia efa vonona tanteraka izahay, andro aman’alina, raha vao milatsaka ny baiko avy any amin’ny miaramila any», hoy io manamboninahitra io. Omaly alina dia nandeha ihany koa ny feo fa hotafihana ny BANI Ivato. Hatramin’ny fotoana nanoratanay ihany koa dia tsy mbola nisy aloha izany.