Politique

Partagé sur :
• facebook

Manohana ny dinika fitadiavam-bahaolana ivoahana amin’ny krizy izay hotontosaina any Pretoria ny 28 aprily izao ny loholona teo aloha, Kolo Rolland.

Aminy anefa dia tokony samy hitana ny teniny ny ankolafy tsirairay ary tsy hanaiky ny tsindry isan-karazany ataon’ireo mpanao politika miaraka aminy. “Ny olana amin’ny tsy fahatanterahana ny satan’i Maputo sy ny tovana tany Addis Abeba dia noho ny fisian’ireo olona mahita tombontsoa amin’ny zava-misy ankehitriny ka mamadika ny baolina”. Raha toa anefa tsy tanteraka io fihaonana izay ambara fa ala nenina farany io na ihany koa tsy mitovy hevitra indray ny ankolafy efatra amin’ny fampiharana izay vita sonia dia ny fananganana ny “Comité de Salut Public” no vahaolana aroson’ity loholona avy any Menabe ity . “Izay olona tsara fanahy sy tena vonona hanarina ny firenena no hikambana ao amin’ny governemanta atsangan’ny antoko politika rehetra fa tsy ny ankolafy mifanolana ihany. Apetraka ho filoham-boninahitra i Andry Rajoelina”. Raha ny fanazavany ihany dia io governemanta io no hikarakara ny fifidianana rehetra manomboka amin’ny fitsapan-kevibahoaka andaniana lalàmpanorenana arahan’ny fifidianana solombavambahoaka. “Omena  ny miaramila amin’ny alalan’ny fiaraha-mitantana na “direction collegiale” ireo minisitera mandray anjara mivantana na misy ifandraisany amin’ny fifidianana toy ny minisiteran’ny atitany, fitsarana ary ny minisiteran’ny fanabeazana izay fitaovana fanaovan’ny mpitondra propagandy”.

Tia Tanindrazana

Samia mijoro ho an'i Gasikara.