Kmf

Cnoe Tsy mety amintsika ny �R�gime pr�sidentiel fort�

Politique
Zoma 11 Jona 2010

Manoloana ireo fanehoan-kevitra maro samihafa momba ny mety ho endriky ny Repoblika faha-4 sy ny fahafantarana ireo soso-kevitra an-jatony momba ny lalàmpanorenana voarain’ny CCC, dia manamafy ny Kmf/Cnoe fa tsy mety amin’i Madagasikara sy ny Malagasy ny endri-pitondrana manome fahefana betsaka ho an’ny filoham-pirenena, io izany ilay hoe : «régime présidentiel fort». Ho an’ny Kmf/Cnoe dia ilaina hita mazava ao anatin’ny lalàmpanorenana ny zo fototry ny olom-pirenena, ny fisarahan’ny fahefana ary ny fifandanjam-pahefana araka ny hevitry ny Kmf/Cnoe ihany. Ny fampiharana ireo rehetra ireo miaraka no hampilamina ny tany sy ny fanjakana ary tsy hampiverimberina intsony ny krizy, araka ny fahitan’ny komitim-pirenena mpanara-maso ny fifidianana. Tsara homarihana fa anisan’ireo fikambanana nilaza fa handray anjara mavitrika amin’izay fihaonana sy fivoriana rehetra, iantsoana azy ho amin’ny fikarohana vahaolana ialana amin’ny krizy ny Kmf/Cnoe. Ary manana solontena mihitsy eo anivon’ny CENI na ny komity mahaleotena misahana ny fifidianana.

RTT