KMF

Cnoe Afaka mamaritra tsara ny alimanakam-pifidianana ny CENI

Politique
Alarobia 10 Mey 2017

Andrasana ankehitriny ny ketrika fanatsarana ny lal�m-pifidianana avy amin�ny Ceni (Commission Electorale Nationale Ind�pendante) taorian�ireo atrikasa fakan-kevitra miaraka amin�ny soso-kevitra

samihafa niarahan’ity Vaomieram-pirenena mahaleotena mikirakira ny fifidianana ity tamin’ireo mpisehatra isan-tsokajiny amin’ny fifidianana. Hevi-dehibe nisongadina hatreto ny fanajana izay voalazan’ny lalàmpanorenana mikasika ny fe-potoam-piasan’ireo olom-boafidy ankehitriny ho 5 taona. Tapitra ny 25 janoary 2019 ohatra izany ho an’ny filohan’ny Repoblika, izany hoe mila manana filoha voafidim-bahoaka vaovao i Madagasikara amin’io daty fahataperan’ny fe-potoana io, hoy ny filoha nasionalin’ny Kmf/Cnoe Rabekijana Félix. Teboka iray goavana tokony hita ao anatin’ny fanavaozana ny lalàm-pifidianana moa ny fahafahan’ny Ceni mandroso an-kalalahana ny tetiandrom-pifidianana. Ilaina voarakitra mazava tsara ao anatin’ny lalàm-pifidianana nasiam-panavaozana rahateo ny fahafahan’ny rafitra mahaleotena mikirakira ny fifidianana Malagasy mamaritra io alimanakam-pifidianana io, araka ny fanampim-panazavany.

Nangonin-dRamano F.