Politique

Kianjan�ny demokrasia Nibanaka ho azy

Politique
Talata 19 Oktobra 2010

Rehefa tsy raikitra ny fitsarana dia nanentana ny olona ireo mpitari-tolona mba hihazo an’Ambohijatovo. Nizotra nirodorodo teny an-toerana ireo olona ary niditra am-pilaminana ny Kianjan’ny Demokrasia. Nisy ny fifampiraharahana tamin’ny mpitandro ny filaminana ary teo no tapaka fa omena folo minitra hikabariana ao ireo mpitari-tolona. Tafiditra soa aman-tsara tao ireo mpitolona izay notarihan’ingahy Fetison sy Yves Aimé ary Tabera. Voahaja tanteraka ilay folo minitra nomena, folo minitra izay nambenan’ny mpitandro ny filaminana mitam-basy ihany koa. Nisongadina tamin’io fanomezana fitenenana io ny mbola hanentanana ny olona indray mba ho tonga hanohina ny antso anio eo Ambohijatovo hatrany.

r.d