Politique

Jacob Zuma sy Joseph Kabila Tsy mety ny hanatrehan-dRajoelina ny fivorian�ny Frantsa-Afrika

Politique
Zoma 21 Mey 2010

Tsy mbola tokony hanatrika ny fivorian’ny Frantsa-Afrika any Nice ny 31 mey ho avy izao i Madagasikara raha tsy hita ny vahaolana ifanarahan’ny ankolafy rehetra. Izay no hevitry ny filoha Afrikanina Tatsimo Jacob Zuma sy ny filohan’ny Repoblika Demokratikan’i Congo (RDC) Joseph Kabila. Ireto filoha mirahalahy ireto izany izao no olom-panjakana voalohany nanambara mivantana ny tsy maha mety ny handehanan’i Andry Rajoelina filohan’ny HAT any Nice Frantsa amin’ny faran’ny volana mey ho avy izao. Ary na dia tsy niteny tamin’ny fomba ofisialy aza moa ireo fikambana iraisam-pirenena sy firenen-kafa, eny fa na dia i Frantsa aza, dia mitovy amin’izay ihany ny heviny. Tsy ara-dalàna ary tsy eken’izao tontolo izao ny fitondra tetezamita eto amintsika, izay tarihan’i Andry Rajoelina ; ka izay no tsy haneken’ny rehetra azy hanatrika fivoriana iraisam-pirenena, na inona na inona io, na aiza na aiza hanaovana azy. Araka ny tokony ho izy rahateo dia tsy mahazo manasonia fifanaraham-piaraha-miasa eo amin’ny sehatra iraisam-pirenena izany fitondrana tetezamita izany ; mety hisy anefa ny fanaovan-tsonia ilay «Accord de coopération» amin’i La Frantsa sy ireo firenena Afrikanina. Tsy nisy rahateo ny fanasana amin’ny fomba ofisialy nalefan’ny fanjakana Frantsay ho an’ny filohan’ny HAT, amin’izao 10 andro mialoha ny fivoriana izao.

RTT