Politique

International Liberal �Ny tenierana ihany no vahaolana�

Politique
Alakamisy 18 Novambra 2010

«Manameloka ny taritokana ataon’i Andry Rajoelina amin’ny fikarakarana fifidianana tsy mifanaraka amin’ny fenitra demokratika sy ny fifidianana malalaka sy mangarahara ny International Liberal. Manameloka ihany koa ny famerana ny fahalalahana fototra, ny fisamborana tsy ara-dalàna ireo mpitarika politika izay manosihosy ny zo maha olona sy ny demokrasia». Santionany amin’ny fanambaran’ny filohan’ny International Liberal, ingahy IL Hans Van Baalen izany manoloana ny krizy politika misy eto amintsika efa ho roa taona izao. Manohana ny fampiharana ireo fifanarahana politika izay efa nosoniavin’ireo firehana isan-tokony ary dia mangataka ny hisiana hery fampiharana ireo fifanarahana ireo ny International Liberal. Araka izany dia takian’ity fikambanana ity ny fanamorana sy ny fanelanelanan’ny CNOSC sy ny SADC mba hivoahan’i Madagasikara amin’ny krizy ao anatin’ny tenierana sy handraisan’ny rehetra anjara hiverenan’i Madagasikara ao anatin’ny ara-dalàna ato anatin’ny fotoana fohy.

Nangonin’i Soa