Politique

Ikalamavony 200 tapitrisa Ariary no hampisara-bazana

Politique
Sabotsy 27 Aogositra 2016

Lasa resabe any Ikalamavony, ary ahiana ho fototry ny disadisa hampisara-bazana ny fitantanana ilay 200 tapitrisa Ariary isan-taona isaky ny distrika hisahanana asa fampandrosoana araka ny voalazan�ny lal�na 2015-024.

Misy Komity manokana, dia ny Komitin’ny Fampandrosoana ifotony misahana azy io. Mivondrona ao ny olom-boafidy sy solontenam-panjakana ao anatin’ny distrika, ka ny solombavambahoaka no mitarika. Io komity no mamaritra ny asa fampandrosoana hampiasana ilay 200 tapitrisa Ariary. Tsy mety tafajoro mandraka ankehitriny anefa io komity io ho an’i Ikalamavony, noho ny kajikajy isan-karazany ary hampisara-bazana ny samy mpiketrika. Nisy fivoriana tokony ho natao tamin’ny herinandro lasa iny fa tsy raikitra. Ny toeran’ny filoha lefitr’io Komitin’ny Fampandrosoana Ifotony io no mampifandrirotra. An-daniny, Rtoa Ralinjanahary Tsitohaina Valimandresy vadin’i Pety Rakotoniaina, solombavambahoaka voafidy tao Ikalamavony, miketrika fa tokony ho olony no amin’io toerana io. An-kilany ny filoha lefitry ny Antenimierandoholona Faritany Fianarantsoa, Riana Andriamandavy VII ihany koa efa nanome toromarika ny Ben’ny tanàna fa izy no hatao filoha lefitra. Dia mikatso eo ny raharaha.

Jean D.