Politique

Partagé sur :
• facebook

Olona 9 amin’ny 10 no mimenomenona amin’ny afitsok’izao fitondrana FAT izao, hoy i Zafilahy Stanilas. Tsy voafandrika na koa voapepon’ny lainga afafy etsy sy eroa intsony, na ny vahoaka na ireo iraka iraisam-pirenena mandalo eto amintsika, hoy ihany izy.

Tsy ho voasakan’iza na iza ny fahatongavan’ireo, na ny filoha Chissano, na i Louis Michel satria tsy manaiky ny fikambanana iraisam-pirenena rehetra raha tsy voavaha ny krizy eto Madagasikara. Fantatra ihany koa fa anisan’ireo nasaina hanatrika ny fihaonana any Ouganda hatao ny 11 jolay ho avy izao ny filoha Ravalomanana. Na dia teo aza ny fanaratsiana azy, hoy ity solombavambahoakan’i Vavatenina ity dia mbola miaiky ary manaiky fa mbola filoha Ravalomanana ho an’ny firenena maneran-tany. Tetsy andanin’izany dia nanamafy ny pastera Edouard fa tsy marina ny filazana fa milamina i Toliara. Nisy tokoa, hoy izy ny sorabaventy nitsenan’ny mponina ny delegasiaonina FAT tany an-toerana, nisy koa ny toraka kapa, ary dia nisy ihany koa ny barazy. Efa lany daty ny FAT, hoy ihany ny pastera Edouard satria efa tamin’ny volana jona no fe-potoana farany nomen’ny HCC azy. Manoloana izany indrindra no nanaovany antso avo amin’ireo mpiasam-panjakana, ireo mpitsara, ireo mpitandro ny filaminana mba tsy hanapotika firenena. Fantatra ihany koa, raha ny fanazavany fa misy vondron’olona manao ‘bizinesy’ ny fikarakarana ny fampihavanam-pirenena. Ny profesora Zafy Alber ihany, hoy izy no afaka hanao sy hitarika izany fampihavanana izany. 

Tia Tanindrazana

Samia mijoro ho an'i Gasikara.