Politique

Hoporetina indray ny vahoaka Hampandoavina 5 000Ar isan�olona

Politique
Zoma 04 Novambra 2016

Raha tsy hisy ny sampona ka holaniana ny volavolan-dal�na mifehy ny tetibolam-panjakana 2017 dia ho raikitra fa tsy maintsy handoa hetra 5 000Ar ao anatin�ny iray taona ny olona eo anelanelan�ny 21-60 taona.

Haba halaina amin’ny olom-pirenena ho an’ny fampandrosoana no entina hanamarinana sy hitakiana izany. Tsy vitan’izay fa mbola hangalana hetra 5 000Ar ihany koa ireo biby toy ny alika mpiandry tanàna sy ny fitazonana fitaovam-piadiana tsotra. Ao anatin’ny fahasahiranana tanteraka ny firenena ary tsy manam-bola ny fanjakana saingy tsy ny vahoaka izay efa milomano ao anaty fahantrana no poretina amin’ny fakana vola isan-karazany kanefa tsy mba misy fiantraikany amin’ny fiainana andavanandrony ireny vola takiana aminy ireny fa toa mankany am-paosin’ny mpitondra. Ny vola hanampiana ny kaominina mba ho fampandrosoana eny ifotony aza ifandroritana ka ny ben’ny tanàna izay mahalala ny fampandrosoana tokony hapetraka amin’ny kaominina tantaniny indray no tadiavina hailika ao anatin’ny Komity Ifotony momba ny fampandrosoana, hitantanana ilay 200 tapitrisa ariary isaky ny distrika.

Toky R.