Politique

Hetsiky ny mpanohitra Hafana ao Antsirabe rahampitso

Politique
Zoma 01 Jolay 2011

Hafana ny hetsiky ny mpomba ny ara-dalàna ao amin’ny kianjan’ny Magro Avaratsena Antsirabe rahampitso sabotsy 02 jolay. Araka ny fantatra dia handray vahiny izy ireo amin’io fotoana io. Raha ny tafa natao tamin’i Dadamanana sy Rakotomiandrisoa Ernest, mpitarika ny legalista ao Antsirabe, ho avy any an-toerana ireo mpitarika Rodoben’ny Malagasy ho an’ny Tanindrazana manerana an’i Madagasikara. Hotarihin’i Guy Maxime Ralaiseheno, Ben’ny tanànan’Ankaraobato, distrikan’Antananarivo Atsimondrano izy ireo, hanazavana ny zava-misy marina mikasika ny toe-draharaham-pirenena sy ny famahana ny krizy, indrindra taorian’ny dian'ny Dr Leonardo Simao, izay nanao resaka nampisavorovoro ny Malagasy maro ihany, nandritra ny fotoana nijanonany teto.

Caïus R.