Politique

Partagé sur :
• facebook

Mbola velona soa aman-tsara ny hetsiky ny mpanao gazety miady ho amin’ny fahafahana na ny M.L.E,

 hoy ny mpanao gazety Fetra Rakotondrasoa, nitondra ny tenin’ny vondrona, omaly, tetsy Antanimena. Mbola nohamafisiny fa tsy eken’izy ireo hatrany ny fampiharana ilay fehezan-dalàna vaovao mikasika ny serasera. Nomelohin’izy ireo ihany koa ny fikasihana mpanao gazety, toy izay nitranga tamin’ny mpanao gazetin’ny Free news ny faran’ny herinandro teo. Melohin’ny lalàna izany, hoy izy, ary tsy azo ekena, indrindra indrindra ny hoe mpitandro filaminana tokony hiaro ny vahoaka sy ny fananany no mamono azy ireo indray. Niala tsiny tamin’ny ray aman-drenin’ny niharam-boina moa ny fikambanana. Nangatahan’izy ireo manokana kosa ny fanomezana fanazavana mikasika ny antsojay atao amin’ny haino aman-jery MBS ankehitriny. Toa lasa raharahana jiolahimboto ilay izy satria dia filana sotasota amin’ny alalan’ny onja fanelingelenana no ataon’ny fitondram-panjakana. Lasa misy tombo sy hala, hoy izy ireo, ny fanomezan-dalana hanokatra haino aman-jery. Tsy afaka hipetrapetra-potsiny ihany koa ny M.L.E manoloana ny raharaham-pirenena ankehitriny, raha ny fanazavana, ary hamoaka dosie goavambe amin’io herinandro io hampahafantarina ny zava-misy marina amin’ny valalabemandry. Ohatra nolazaina tao anatin’izany moa ny raharaha Soamahamanina sy ny ao Bealalana ary ny trano mijoalajoala “Sun tower”.

Mirija

Tia Tanindrazana

Samia mijoro ho an'i Gasikara.