Politique

GTT International Nohamafisina ny maha-filoha an-dRahaga Lala

Politique
Alatsinainy 09 Aogositra 2010

Ny sabotsy 07 aogositra lasa teo dia nanao fivoriambe tsy ara-potoana tao Savigny-le- Temple ny GTT International manana ny foibeny ao Suisse. Nanatrika ny fihaonana ny GTT avy aty Madagasikara, Belgique, GTT Centre, ny avy atsy la Réunion, SRA, Angers, Caen, ary Bordeaux. Araka ny fantatra dia nohamarinina ny maha ara-dalàna ireo mpanorina ny GTT International, ka filohan’izany Rtoa Rahaga Lala. Tamin’ity fihaonambe tsy ara-potoana ity no nanapahana fa hisy ny fihaonambe na Assemblée Générale Ordinaire hataon’ny GTT International ao Paris ny 28 aogositra ho avy izao. Nahazo fampitandremana ihany koa ireo mpikambana roa eo anivon’ny GTT International dia Christian Lehmann sy Patricia Lehmann noho ny fihetsika tsy nifanaraka tamin’ny etikan’ny fikambanana, sy ny fikasana hanongana ny birao.

Nangonin’i Soa