Politique

GTT International �Aza atao takalon�aina ny Malagasy 20 tapitrisa !�

Politique
Talata 19 Jolay 2011

Manoloana ny zava-misy eto amin�ny firenena dia nisy ny taratasy misokatra nalefan�ny vondrona Malagasy tia tanindrazana (GTT International) any amin�ireo tompon�andraiki-panjakana frantsay.

Heverin’izy ireo manko fa manana andraikitra goavana ao ambadiky ny korontana novolena teo amin’ny firenena ny Reny malala. Notanisaina ao anatin’ ilay taratasy avokoa ireo zava-nisy eto amin’ny firenena tato anatin’ny telo taona izao, dia ny herisetra, ny tsy fanajana ny zon’olombelona, ny fahantrana mihalalina vokatry ny fakana fanjakana tamin-kery sy ny maro hafa, eo koa ireo dingana efa vita hatramin’izao amin’ny fikaroham-bahaolana eo amin’ny sehatra iraisam-pirenena. Mangataka amin’i Frantsa ny GTT International mba hampitsahatra ny filalaovana ny fiainan’ny vahoaka 20 tapitrisa, na mivantana io na an-kolaka.

Takian’izy ireo koa ny faneken’i Frantsa na ny fanarahan’i Frantsa ny fehin-kevitry ny Parlemanta eoropeanina izay manameloka ny fihazonana fanjakana tsy ara-dalàna. Mampitandrina an’i Frantsa koa izy ireo tsy hanao fihetsika na mivantana na an-kolaka hanakanana ny dingana ho amin’ny fikaroham-bahaolana hivoahana amin’ny krizy. Ankoatra izay dia takiany ny hamelana ny Malagasy hifidy malalaka izay hitondrany ny fiainany sy ny hanajan’i Frantsa izany hoe fiandrianam-pirenena malagasy izany ka mba ho politikam-piaraha-miasa madio no hisy eo amin’ny firenena roa tonta.

Nangonin’i Soa